« 2700 plantèr o bou di roulo é okin solission an vu ! » 👉️ Lire l’article en entier
Tro mové pou in plantèr sé koué ?Sé kan la finission la koupe i ariv li doi lizine olèrk ramass in bénéfiss , li doi la bank é li pé pa ranbours son krédi alor konte pa dsi in pré pou rolanss la prodikssion… Lo sindika CGPER épi lé zot i antrovoi la fin dann zot kiltir d’kann.
Préfé li mèm néna poinn réponss valab dopi lo tan l’érop la torpiye bann plantèr kann. I sorte fé in rényon mé sa la pa aporte arien bann plantèr.Bann zizinyé i koné san bann plantèr-zot lé 2700- inpossib fé tourn zot zizine mé zot i aspèr gouvèrnman va sokour azot an promyé…
Mé gouvèrnman na poin é bann plantèr lé dézarmé-la prèv ké si l’avé in vré déssantralizassion avèk in sèrtin pouvoir pou nou rényoné, nora pu pran bann mézir a tan é pa atann toute lé fouti pou rode bann solission pou sov noute prodikssion.
La kléstyon sé touzour la mèm : la plantassion kann lé inportan pou nou sansa lé pa. Si el lé in portan i fo sov aèl é sov bann plantèr an mèm ta. In n’ote késtyon :kanssa i rovoi la konvanssion kann ? Sa la fé anou di tor é lé irzan rovoir sa. In n’ote késtyon : kansa i arète dépossède bann plantèr par rapor zot plantassion ?
Sak la désside lo kann lé lizinyé é li pé fé toute sak li vé avèk san konsilt bann plantèr, la rann plantèr in drol de mové sèrviss. Mézami kann lé inportan pou nou é si ni lèss bann plantèr débate toussèl, dizon zot lé kui.
A bon antandèr salu !
#Infos974 | Toutes les Actus de la Réunion ici
