« Astèr alé débarbote aou ladan »

Médam zé méssyé, la sossyété, koz èk mwin sé koz èk in kouyon,mé sé o pyé d’lo mir k’i oi lo masson.

Mézami zot i koné kossa i lé barboté :sa i vé dir salir. Astèr kan i débarbote, i nétoiye.mé nétoiyé la pa toultan dann sanss promyé konm prop épi sal. Mé i pé an avoir in sanss moral konm par ébzanp in n’afèr i pé sali aou moralman.

Wi pé ète pri galman dann in trikmardaz konpliké é l’èrla lé pa touzour fassil ansorte aou. Mi panss zot konm mwin ni koné bann difikilté d’la vi sansa nou la koni é nou néna souvnanss an avoir pass bann pèryode dézagréab.

Astèr ni pé di lé pa tèlman lo barbotaz lé si tèlman annuiyan mé la fasson wi pran ali : sak i pé z’ète in pti zafèr pou in moune i pé z’ète in gro problèm pou in n’ote. Konm i di, i fo konète « dédramatizé »-in mo zorèye-mé k’i di bien sak li vé dir.

Alé ! ni artrouv pli d’van, sipétadyé.