« Bondyé i pini pa galé ! »

Mézami souvan dé foi demoune i invok Bondyé : soi i di sak Bondyé i doi fé, soi i di sak in pé i mérite Bondyé i fé azot. Sé konmsa ké ni pé lir dann somi-lo-mo lo gran Daniel Honoré bann kozman konm « Bondyé i dor pa », « Bondyé lé gran » épi d’ote kozman ankor osinonsa.

Sak mwin la marke anlèr-la i pé dir si ni oi lo rézoneman a-kontrario ni diré si bondyé i pini in moune sé pars sa i mérite ali pars li la fé kékshoz i mérite in pinission lo tré-o… astèr zot i pran lé shoz konm zot i vé-mwin mi pran sa konm in kozman rényoné tou sinpléman.

Alé ! Mi kite azot rofléshir la dsi é ni retrouv pli dvan, sipétadyé.

Justin