« « Li pass son tan pou tir défo dsi l’moune. » » 👉️ Lire l’article en entier
Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.
Mézami, nou k‘lé partizan lo viv ansanm mi panss souvan défoi ni doi poz anou késtyon dsi labitide noute bann konpatriyote pou tir défo toulmoune épi ninporte ki :inn sé in gro patate, l’ote lé mal kostimé, l’ote ankor kan i sava i diré k’i vien…
Boudikonte mi oi , sanb pou mwin, néna konm in vyé fon lintoléranss-la méshanssté- dann la sossyété rényonèz.Olèrk di shakinn néna son gayar dann ni pass noute tan tir lo pou avèk lo lante dann la tète la poin shové.
Sa i komanss dopi étan marmaye apré sa i kontinyé an grandissan, mi diré mèm an vyéllissan é sa lé domaz pars sansa la vi noré té pli vivab kant mèm an parmi nou.
Alé ! Mi kite azot rofléshi la dsi é mi di azot in dèrnyé kozman k’i di konmsa : « anval in mo sé garde in ami, dir in mo sé pèrde in ami » é ni rorouv pli d’van, sipétadyé.
#Infos974 | Toutes les Actus de la Réunion ici
